ദൈവം മനുഷ്യനായ് പിറന്നാൽ
ജീവിതമനുഭവിച്ചറിഞ്ഞാൽ
തിരിച്ചു പോകും മുൻപേ ദൈവം പറയും
മനുഷ്യാ നീയാണെന്റെ ദൈവം (ദൈവം..)
ഒരിക്കൽ മാത്രം മരക്കുരിശ്ശേറുന്നു
മനുഷ്യപുത്രന്മാരീ ഉലകിൽ
നീതിപീഠത്തിന്റെ കാ‍ൽ വരിക്കുന്നിന്മേൽ
നിത്യവും കുരിശേറ്റമാണിവിടെ
പിടയുന്നു പാവം മനുഷ്യൻ മനുഷ്യൻ (ദൈവം..)
പാപത്തിൻ മുനയുള്ള മുൾച്ചെടി പടരുന്ന
ദു:ഖത്തിൻ താഴ്വരയാണിവിടെ
പരസ്പരമറിയാതെയകന്നേ പോകുന്ന
മനുഷ്യബന്ധങ്ങളാണിവിടെ
അലയുന്നു പാവം മനുഷ്യൻ മനുഷ്യൻ (ദൈവം...)
