ഹിമവാഹിനി ഹൃദയഹാരിണീ
നിനക്കോ എന്റെ പ്രിയമുള്ളവള്‍ക്കോ
മാദകസൌന്ദര്യം... ഓ...
(ഹിമവാഹിനി... )
നീലക്കടമ്പിന്‍ പൂക്കള്‍ ചൂടി
നിലാവുപോലിവള്‍ വന്നു - അരികില്‍ വന്നു (2)
ഈ നുണക്കുഴികള്‍ പൂന്തേന്‍ചുഴികള്‍
നാണം കൊണ്ടു ചുവന്നു - മെല്ലെ ചുവന്നൂ (2)
(ഹിമവാഹിനി...)
ശോശന്ന പുഷ്പങ്ങള്‍ പുഞ്ചിരി തൂകും
ശരത്കാലസന്ധ്യകളില്‍
പണ്ടു ശലോമോന്‍ പകര്‍ന്നു നല്‍കിയ
പാനപാത്രമെനിക്കു തന്നു - ഇവള്‍ തന്നൂ
വന്നെത്തുമല്ലോ ഞങ്ങള്‍ ഒരുനാള്‍
വധൂവരന്മാരായീ
ഞാനന്നു രാത്രിയില്‍ എന്‍ പ്രിയസഖിയുടെ
മാറില്‍ ചേര്‍ന്നു മയങ്ങും - ഇങ്ങനെ മയങ്ങും (2)
ഹിമവാഹിനി ഹൃദയഹാരിണീ
നിനക്കോ എന്റെ പ്രിയമുള്ളവള്‍ക്കോ
മാദകസൌന്ദര്യം... ഓ...
ഹിമവാഹിനി ഹൃദയഹാരിണീ
