വെണ്‍ചന്ദ്രലേഖയൊരപ്സര സ്ത്രീ
വിപ്രലംഭ ശൃംഗാര നൃത്തമാടാന്‍ വരും
അപ്സരസ്ത്രീ
വെണ്‍ചന്ദ്രലേഖയൊരപ്സര സ്ത്രീ
കാറ്റത്തു കസവുത്തരീയമുലഞ്ഞും
കളിയരഞ്ഞാണമഴിഞ്ഞും
കയ്യിലെ സോമരസക്കുമ്പിള്‍ തുളുമ്പിയും
അവള്‍ വരുമ്പോൾ
ഞാനും എന്‍ സ്വയംവരദേവതയും
ആ നൃത്തമനുകരിക്കും - മോഹങ്ങള്‍
ആശ്ലേഷമധുരങ്ങളാക്കും
(വെണ്‍ചന്ദ്രലേഖ..)
മാറിലെ മദനാംഗരാഗം കുതിര്‍ന്നും
മകരമഞ്ജീരമുതിര്‍ന്നും
മല്ലികാപുഷ്പശര ചെപ്പുകിലുക്കിയും
അവള്‍ വരുമ്പോള്‍
ഞാനും എന്‍ മധുവിധുമേനകയും
ആ നൃത്തമനുകരിക്കും - സ്വപ്നങ്ങള്‍
ആപാദരമണീയമാക്കും
വെണ്‍ചന്ദ്രലേഖയൊരപ്സര സ്ത്രീ
വിപ്രലംഭ ശൃംഗാര നൃത്തമാടാന്‍ വരും
അപ്സരസ്ത്രീ
വെണ്‍ചന്ദ്രലേഖയൊരപ്സര സ്ത്രീ
