ശ്രീകോവിൽ ചുമരുകളിടിഞ്ഞു വീണു
ശ്രീദേവി വിഗ്രഹം തകർന്നുടഞ്ഞു
പൊട്ടിത്തകർന്നൊരെൻ ജീവിതാഭിലാഷത്തിൻ
പട്ടടപ്പറമ്പിൽ ഞാൻ മാത്രമായി (ശ്രീകോവിൽ..)
കാലമെൻ മനസ്സിന്റെ തൊടിയിൽ നിറച്ചത്
കടലാസു പൂവുകളായിരുന്നു
ജീവിതം കൈതട്ടി എന്നെ വിളിച്ചത്
മോഹിപ്പിക്കുവാനായിരുന്നു (ശ്രീകോവിൽ..)
ആവേശമാത്മാവിൽ ഒരുക്കിയതൊക്കെയും
ആശാഭംഗങ്ങളായിരുന്നു
തൊഴുകൈക്കുടവുമായ് പൂജിച്ചതൊക്കെയും
വ്യർഥസ്വപ്നങ്ങളെയായിരുന്നു (ശ്രീകോവിൽ..)
