ദീപം കാട്ടുക നീലാകാശമേ
ദീപം കാട്ടുക നീ.. ദീപം കാട്ടുക നീ..
നിത്യപ്രകാശത്തിന്‍ കോവില്‍ തുറക്കുവാന്‍
കാത്തുനില്‍ക്കുന്നു ഞങ്ങള്‍
ദീപം കാട്ടുക നീലാകാശമേ
ദീപം കാട്ടുക നീ.. ദീപം കാട്ടുക നീ..
അമ്മതന്‍ പുഞ്ചിരി തേടുമീ പൈതങ്ങള്‍-
ക്കമ്പിളി പാലു തന്നൂ
അമ്മതന്‍ താരാട്ടു കേള്‍ക്കാത്ത ഞങ്ങള്‍ക്കായ്
പൈങ്കിളി പാട്ടു തന്നൂ - തേനുറ്റ
പൈങ്കിളി പാട്ടു തന്നൂ
ദീപം കാട്ടുക നീലാകാശമേ
ദീപം കാട്ടുക നീ.. ദീപം കാട്ടുക നീ..
കൂപ്പുകൈ നീട്ടുമീ കാട്ടുപുഷ്പങ്ങള്‍ക്കു
കൂട്ടായിരിക്കേണമേ - എന്നുമേ
കൂട്ടായിരിക്കേണമേ
കൂരിരുള്‍പ്പാതയില്‍ നക്ഷത്രരശ്മിയെ
കൂട്ടിന്നയക്കേണമേ - ഞങ്ങള്‍ക്ക്
കൂട്ടിന്നയക്കേണമേ
ദീപം... ദീപം
ദീപം കാട്ടുക നീലാകാശമേ
ദീപം കാട്ടുക നീ.. ദീപം കാട്ടുക നീ..
