സരസ്വതീയാമം കഴിഞ്ഞൂ ഉഷസ്സിൻ
സഹസ്രദളങ്ങള്‍ വിരിഞ്ഞൂ
വെണ്‍കൊറ്റക്കുട ചൂടും മലയുടെ മടിയില്‍
വെളിച്ചം ചിറകടിച്ചുണര്‍ന്നു
സരസ്വതീയാമം കഴിഞ്ഞൂ
അഗ്നികിരീടം ചൂടി അശ്വാരൂഢനായി
അഗ്നികിരീടം ചൂടി അശ്വാരൂഢനായി -കാലം
അങ്കം ജയിച്ചുവന്ന തറവാട്ടില്‍
ഇതുവഴി തേരില്‍ വരും ഉഷസ്സേ
ഇവിടത്തെ അസ്ഥിമാടം സ്പന്ദിക്കുമോ
സ്പന്ദിക്കുമോ (സരസ്വതീയാമം..)
മുത്തുടവാള്‍മുനയാലേ നെറ്റിയില്‍
കുങ്കുമംചാര്ത്തി -കൈരളി
കച്ചമുറുക്കിനിന്ന കളരികളില്‍
നിറകതിര്‍ വാരിത്തൂകും ഉഷസ്സേ
ഇനിയുമൊരങ്കത്തിനു ബാല്യമുണ്ടോ
ബാല്യമുണ്ടോ (സരസ്വതീയാമം..)
