മഞ്ഞക്കിളീ സ്വർണ്ണക്കിളീ

മഞ്ഞക്കിളീ സ്വർണ്ണക്കിളീ
മയിൽപ്പീലിക്കാട്ടിലെ വർണ്ണക്കിളീ
അമ്മയുണ്ടോ നിനക്കച്ഛനുണ്ടോ
അനിയത്തി കൂട്ടിനുണ്ടോ വീട്ടിൽ
അനിയത്തി കൂട്ടിനുണ്ടോ ( മഞ്ഞക്കിളീ)

അമ്മയാ വീട്ടിൽ അച്ഛനീ വീട്ടിൽ
ഞങ്ങൾ അനാഥരല്ലോ (2)
അമ്മയും അച്ഛനും ഒരുമിച്ചു വാഴാൻ
എത്ര കൊതിയാണെന്നോ
ഞങ്ങൾക്കെത്ര കൊതിയാണെന്നോ (മഞ്ഞക്കിളീ...)

മഞ്ഞിന്റെ കുളിരിൽ നിങ്ങളെയച്ഛൻ
മാറിൽ കിടത്താറുണ്ടോ (2)
താമരപ്പൂവിളം തൂവൽ മിനുക്കീ
തഴുകിയുറക്കാറുണ്ടോ അമ്മ
താരാട്ട് പാടാറുണ്ടോ ( മഞ്ഞക്കിളീ..)