മേഘം പൂത്തു തുടങ്ങി

മേഘം പൂത്തു തുടങ്ങീ മോഹം പെയ്തു തുടങ്ങീ
മേദിനീ കേട്ടു നെഞ്ചിൽ പുതിയൊരു താളം (2)
ആരാരെ ആദ്യമുണർത്തീ ആരാരുടെ നോവു പകർത്തീ (2)
ആരാരുടെ ചിറകിലൊതുങ്ങീ അറിയില്ലല്ലോ
അറിയില്ലല്ലോ അറിയില്ലല്ലോ ( മേഘം..)

എരി വേനൽ ചൂടിന്റെ കഥയാകെ മറന്നൂ
ഒരു ധന്യ ബിന്ദുവിൽ കാലമലിഞ്ഞൂ (2)
പുതുമണ്ണിൻ സ്വപ്നം പുൽക്കൊടികളായുണരും
അവ പിന്നെ പൂക്കളങ്ങളാകും
വളർന്നേറും വനമാകും (2) ( മേഘം..)

അലകടൽ തിര വർഷ മദം കൊണ്ടു വളർന്നും
അടിത്തട്ടിൽ പവിഴങ്ങൾ വിങ്ങി വിളഞ്ഞൂ (2)
പരിരംഭണത്തിന്റെ രതിഭാവമെന്നും
പകരുമീ സാഗരത്തിൻ ഗാനം
നിത്യ ഗാനം മർത്യ ദാഹം (2) [ മേഘം..]