ഗംഗാ യമുനാ സംഗമസമതല ഭൂമി
സ്വർഗ്ഗീയ സുന്ദരഭൂമി സ്വതന്ത്ര ഭാരതഭൂമി
കന്യാകുമാരി തിരമാലകളിൽ
തൃക്കാൽ കഴുകും ഭൂമി
വിന്ധ്യഹിമാലയ കുലാചലങ്ങളിൽ
വിളക്കു വയ്ക്കും ഭൂമി
വിളക്കു വയ്ക്കും ഭൂമി (ഗംഗാ.. )
പുതിയൊരു ജീവിത വേദാന്തത്തിൻ
പുരുഷസൂക്തം പാടി
ഇവിടെ നടത്തുകയല്ലോ നാമൊരു
യുഗപരിവർത്തന യാഗം (ഗംഗാ... )
ഈ യാഗശാല തകർക്കാനെത്തും
സായുധ പാണികളേ
കൈയ്യിലുയർത്തിയ ഗാണ്ഡീവവുമായ്‌
വരുന്നു ഭാരത പൗരൻ
വരുന്നു ഭാരത പൗരൻ (ഗംഗാ... )
