സ്നേഹസ്വരൂപിണി മനസ്സില്‍ നീയൊരു
മോഹതരംഗമായ് വന്നൂ
ദാഹിക്കുമെന്റെ കിനാവിന്റെ തീരം
താലോലിച്ചു പുണര്‍ന്നൂ
(സ്നേഹസ്വരൂപിണി.....)
മദിരപകര്‍ന്നു പകര്‍ന്നു വെച്ചൊരു
മണ്‍ചഷകം പോലേ
നിറഞ്ഞലഹരിയുമായ് ഞാന്‍ നിന്നൂ
നിമിഷത്തുമ്പികള്‍ പറന്നൂ - ചുറ്റും
നിമിഷത്തുമ്പികള്‍ പറന്നൂ
(സ്നേഹസ്വരൂപിണി.....)
മൃദുലവികാരങ്ങള്‍ കൊണ്ടുതീര്‍ത്തൊരു
മന്മഥശരം പോലെ
വിരിഞ്ഞ പുളകവുമായ് ഞാന്‍ നിന്നൂ
പരിസരമാകെ മറന്നൂ - നമ്മള്‍
പരിസരമാകെ മറന്നൂ
(സ്നേഹസ്വരൂപിണി....)
