ചിരിച്ചു കൊണ്ടോടി നടക്കും

ചിരിച്ചുകൊണ്ടോടി നടക്കും
ശരത്കാലചന്ദ്രികേ - ഈ
കൂട്ടിലുറങ്ങുമെന്‍ പ്രേമചകോരിയ്ക്ക്
കുളിരണിമഞ്ചമൊരുക്കാമോ - ഒരു
കുളിരണിമഞ്ചമൊരുക്കാമോ 
(ചിരിച്ചു... )

കാനനമൈനകള്‍ക്ക് കദളിപ്പഴം നല്‍കി
കൈകാല്‍ തളര്‍ന്നവള്‍ ഉറങ്ങുമ്പോള്‍
കാനനമൈനകള്‍ക്ക് കദളിപ്പഴം നല്‍കി
കൈകാല്‍ തളര്‍ന്നവള്‍ ഉറങ്ങുമ്പോള്‍
സുന്ദരപുഷ്പിത വല്ലരി കൊണ്ടൊരു
ചന്ദനവിശറി കൊടുക്കാമോ
ചന്ദനവിശറി കൊടുക്കാമോ 
(ചിരിച്ചു... )

മാനസപ്പൊയ്കതന്‍ കടവിലിരുന്നവള്‍
മാനിനു കറുക കൊടുക്കുമ്പോള്‍
മാനസപ്പൊയ്കതന്‍ കടവിലിരുന്നവള്‍
മാനിനു കറുക കൊടുക്കുമ്പോള്‍
കാറ്റേ മുടിയില്‍ ചൂടാമോ - എന്റെ
കര്‍പ്പൂരതുളസിതന്‍ കതിര്‍മാലാ
കര്‍പ്പൂരതുളസിതന്‍ കതിര്‍മാലാ
(ചിരിച്ചു... )