ശാരദരജനീ ദീപമുയർന്നൂ

ശാരദരജനീ ദീപമുയർന്നൂ
താരാമണ്ഡലമുണർന്നൂ
ഇടിമിന്നൽ തൂകും മണിമുകിലടങ്ങീ
ഇനിയും നീയുറങ്ങൂ
(ശാരദ...)

ഇന്ദ്രനീല നിറത്തിൻ ലഹരിയിൽ
സാന്ദ്രവാനം മുഴുകീ (2)
ചന്ദ്രശീതള ലോലകരങ്ങൾ
ചക്രവാളം തഴുകീ
ഇളംകാറ്റാകാൻ കൊടുങ്കാറ്റടങ്ങീ
ഇനിയും നീയുറങ്ങൂ - ഉറങ്ങൂ
(ശാരദ...)

നിന്റെ നിഴലായ് നിൻ താരാട്ടായ് ഞാനുറങ്ങാതിരിക്കാം (2)
നിന്റെ കണ്ണീർത്തുള്ളികൾ മായ്ക്കാൻ
എന്റെ പുഞ്ചിരി നൽകാം
ഇരുളല നീങ്ങും പുലരൊളി മിന്നും
ഇനിയും നീയുറങ്ങൂ - ഉറങ്ങൂ
(ശാരദ...)