നിൻ മൃദുമൊഴിയിൽ നറുതേനോ
നീലമിഴിയിൽ കരിമീനോ
മൽ സഖീ
മൽ സഖീ നിന്നുടെ പൂങ്കവിളിണയിൽ
മഴവിൽക്കൊടിയോ പൂങ്കൊടിയോ (നിൻ മൃദു..)
വർണ്ണങ്ങളായിരം ചാലിച്ചെഴുതി
വരവർണ്ണിനീ നിൻ രൂപം ഞാൻ (2)
നിന്നംഗ സൗഭഗം പകർത്താൻ കഴിയാതെ
എന്നുടെ തൂലിക തളർന്നൂ തോഴി
എന്നുടെ തൂലിക തളർന്നൂ തോഴി......(നിൻ മൃദു..)
മാനസ്സസരസ്സിലെ താമരമലരിൽ
മണിഹംസ മിഥുനം മയങ്ങുമ്പോൾ (2)
നീയെന്നിലലിഞ്ഞൂ ഞാൻ നിന്നിലലിഞ്ഞൂ
നിത്യ നിർവൃതിയായി കഴിഞ്ഞൂ നാം
നിത്യ നിർവൃതിയായി കഴിഞ്ഞൂ തോഴി (നിൻ മൃദു..)
