മാമരമോ പൂമരമോ

മാമരമോ പൂമരമോ

മൈന ചെന്നു കൂടു വെച്ചു

മാരിക്കൊളുന്തോ മല്ലികയോ   (മാമരമോ..)

മൊഴി കേട്ടാൽ തേൻ തുള്ളി

മിഴി കണ്ടാലാൺപുലി

ചെമ്പുലിയോ കരിമ്പുലിയോ

ചെറുക്കനെ ഞാൻ സ്നേഹിച്ചൂ  (മാമരമോ..)

കണ്മുനയാൽ കതകു തുറന്നു

നിന്റെ മനസിൽ പാർത്തു ഞാൻ

താമരപ്പൂങ്കരങ്ങളാണു

താഴമ്പൂവിൻ മണമാണു  (മാമരമോ..)

എല്ലാർക്കും കാന്താരി

എനിക്കു മാത്രം കസ്തൂരി

മുള്ളില്ലാ മുരടില്ല

മുല്ലമലർക്കാടാണു  (മാമരമോ..)