സ്നേഹത്തിൻ പൂ വിടരും

സ്നേഹത്തിൻ പൂ വിടരും പൂങ്കാവനം

മോഹത്തിൻ ദീപമാടും ദേവാലയം

നന്മ തൻ സംഗീതം സ്വരനൃത്തമാടും

നവരാത്രി മണ്ഡപമീ കുടുംബം (സ്നേഹത്തിൻ..)

വാതിൽ തുറന്നിട്ട ഹൃദയങ്ങൾ വെളിച്ചം

വാരിപ്പുണരുന്ന  പുഷ്പങ്ങൾ

അണിയറയില്ലാത്ത സദസ്സുകൾ ഇവിടെ

അലിഞ്ഞു ചേർന്നാടുന്ന വർണ്ണങ്ങൾ

ഈ ബന്ധനം ബന്ധുരം ...(സ്നേഹത്തിൻ..)

എങ്ങും ചിരി പൂക്കും നിമിഷങ്ങൾ കൊരുത്തു

നമ്മളൊരുക്കുന്നു സ്വർഗ്ഗങ്ങൾ ഞങ്ങൾ

പങ്കു വെച്ചകലാത്ത വസന്തങ്ങൾ

പരിമളം കാക്കുന്ന നികുഞ്ജങ്ങൾ

ഈ ബന്ധനം ബന്ധുരം ...(സ്നേഹത്തിൻ..)