കനകാംഗീ നിന്റെ നനഞ്ഞ സൗന്ദര്യം
കരളിൽ തീ പടർത്തീ
മഴയും കുളിരും മദനവികാരത്തെ
വീണ്ടും വിളിച്ചുണർത്തീ (കനകാംഗീ )
തുടുത്ത മേനിയിൽ ഈറൻ പൂഞ്ചേല
ഉടുക്കുവാനെന്തിത്ര തിടുക്കം (2)
നയനസാഫല്യം തേടുവാനണയുമ്പോൾ
നിനക്കെന്തിനാണൊരു നടുക്കം
ഈ വിജനതയിൽ ഈ മണി നികുഞ്ജത്തിൽ
ഇണക്കിളിക്കെന്തിനു നാണം നാണം (കനകാംഗീ..)
അഴിഞ്ഞു വീണ നിൻ വാർമുടി മാരിയിൽ
കുതിർന്നപ്പൊഴെന്തൊരു തിളക്കം(2)
മുത്തുകൾ ചിന്നിയ നിൻ മൃദുമുഖപത്മം
മുകരുമ്പോളെന്തിനു പിണക്കം
മധുവിധു കഴിഞ്ഞിട്ടും മോഹമടങ്ങിയിട്ടും
മതിമുഖിയ്ക്കെന്തിനു നാണം നാണം (കനകാംഗീ..)
