അനുഭവങ്ങളേ നന്ദി നന്ദി നന്ദി നന്ദി നന്ദി
അശ്രുകണങ്ങളേ നന്ദി നന്ദി നന്ദി
അപാരജീവിത വിദ്യാലയത്തിലെ
ആചാര്യന്മാരേ നന്ദി ഓ.. (അനുഭവങ്ങളേ..)
കല്പനയൊരുക്കിയ മന്ദാരമാലകൾ
കനകമെന്നേ കരുതീ
എടുക്കുവാൻ ചെന്നപ്പോൾ കൈവന്നതെന്തെ
ലഭിച്ചതോ വിധിച്ചതോ
കണ്ണീർ മഷിയാൽ എഴുതിയതാരീ
ജീവിതമെന്നൊരു കവിത
ഓ... (അനുഭവങ്ങളേ..)
സായംസന്ധ്യ തൻ സിന്ദൂരരേഖകൾ
ശാശ്വതമെന്നേ കരുതീ
നിമിഷങ്ങൾ അകന്നപ്പോൾ കൈവന്നതെന്തെ
പ്രകാശമോ പാഴിരുളോ
വേദനക്കടലിൽ നീന്തിയാൽ കാണാം
വേദാന്തമെന്നൊരു തീരം (അനുഭവങ്ങളേ..)
