സുഭഗേ

സുഭഗേ സുഭഗേ നാമിരുവരുമീ

സുരഭി സരസ്സിൽ വിരിഞ്ഞൂ

ഉഷസ്സോ നീയോ ഉദയേന്ദുകലയോ

ഒരു ചുംബനത്തിൽ പൊതിഞ്ഞൂ‍ അന്നെന്നെ

ഒരു ചുംബനത്തിൽ പൊതിഞ്ഞൂ (സുഭഗേ..)

ആ നിമിഷം മുതലെന്റെ വികാരങ്ങൾ

ആപാദ മധുരങ്ങളായി

അവയുടെ പുളകോൽഗമങ്ങളിലായിരം

അരവിന്ദ മുകുളങ്ങൾ വിടർന്നൂ (സുഭഗേ...)

ആ മുഹൂർത്തം മുതലെന്നിലെ മൗനങ്ങൾ

ആലാപനീയങ്ങളായി

അവയുടെ സ്വരസംഗമങ്ങളിലായിരം

ആനന്ദ ഭൈരവികൾ നിറഞ്ഞൂ (സുഭഗേ..)