ചിറകുള്ള ചിരി പൊട്ടിച്ചിതറി
ചിരകാല മോഹങ്ങൾ ചിലമ്പു ചാർത്തി
ഇന്നെന്റെ ഹൃദയത്തിൽ കൊടിയേറ്റ്
ഇനിയെന്റെ സ്വപ്നങ്ങൾക്കാറാട്ട്
(ചിറകുള്ള...)
മഷിപ്പച്ച പൂക്കുമെൻ മനസ്സിന്റെ താളിലും
മയില്‍പ്പീലി വിളഞ്ഞിരുന്നു
വിളിക്കാതെ വന്നു നീ വിരുന്നുമായ് നിന്നു ഞാൻ
വിളമ്പുകയായിരുന്നെന്നെ ഞാൻ
അറിയാതെ ഞാനറിയാതെ ഞാനറിയാതെ
(ചിറകുള്ള...)
മരുപ്പച്ച തേടുമെൻ നിരാലംബയൗവനം
മണിത്താലിയണിഞ്ഞിടുമ്പോൾ
വിതുമ്പുന്ന വീണയായ് തുളുമ്പുന്ന രാഗമായ്
വിരൽമുന കാത്തിരുന്നീടും ഞാൻ
അറിയാതെ നീയറിയാതെ നീയറിയാതെ
(ചിറകുള്ള...)
