ക്ഷേത്രത്തിലേയ്ക്കോ
എന്‍ മാനസ്സതീര്‍ത്ഥത്തിലേയ്ക്കോ
മന്ദഹാസത്തിന്‍റെ പൂക്കൂടയേന്തി നീ
മന്ദം പോകുന്നതെങ്ങോ ദേവീ പ്രാണേശ്വരീ
(ക്ഷേത്രത്തിലേയ്ക്കോ....)
നേര്‍ത്ത നീർച്ചോലകള്‍ക്കുള്ളില്‍
നോക്കിയാല്‍ കാണുന്ന മട്ടില്‍
ആയിരം വെള്ളാരംകല്ലുകള്‍പോലെന്റെ
ആശകള്‍ മയങ്ങുന്നു മനസ്സില്‍ മയങ്ങുന്നു
(ക്ഷേത്രത്തിലേയ്ക്കോ....)
നിന്നിളം കൈവിരല്‍ തൂവല്‍
എന്നെ തലോടുന്ന നേരം
പെണ്ണുങ്ങള്‍ കൈ തൊട്ടാല്‍ തളിര്‍ക്കുന്ന ഞാഴലായ്
എന്‍ മനം തുടിയ്ക്കുന്നു ഹൃദയം കുളിര്‍ക്കുന്നു
(ക്ഷേത്രത്തിലേയ്ക്കോ...)
