ഏതൊരപൂർവ നിമിഷത്തിൽ നീയെൻ
ഏദൻ മലർത്തോപ്പിൽ വന്നു
മുന്തിരി വള്ളി തളിർത്തതു പോലൊരു
പുഞ്ചിരിയാലെൻ മനം കവർന്നു
പുഞ്ചിരിയാലെൻ മനം കവർന്നു
(ഏതൊരപൂർവ...)
ഇട തൂർന്ന കരിമുന്തിരിക്കുല പോലെ നിൻ
മുടിയഴിഞ്ഞുലയുകയായീ
ഇരുനീല മുന്തിരി കനികൾ പോലെ നിൻ
മിഴികൾ തിളങ്ങുകയായീ
(ഏതൊരപൂർവ...)
ചൊടിയിലെ ചെമ്മുന്തിരികളാലാദ്യത്തെ
മധുരം നീ നേദിക്കയായീ
ഒരു ഹർഷോന്മാദത്തിൻ ലഹരിയിൽ നീയെന്നിൽ
പടരും മലർ വള്ളിയായി
(ഏതൊരപൂർവ...)
മിഴി തുറന്നാദ്യമായ് നഗ്നതയെന്തെന്നതറിയവേ
ലജ്ജയിൽ മുങ്ങീ
തല കുനിച്ചോമനേ നീ നിൽക്കെ
മുന്തിരി തളിരില നാണം മറയ്ക്കയായീ
ഏതൊരപൂർവ നിമിഷത്തിൽ നീയെൻ
ഏദൻ മലർത്തോപ്പിൽ വന്നു
മുന്തിരി വള്ളി തളിർത്തതു പോലൊരു
പുഞ്ചിരിയാലെൻ മനം കവർന്നു
പുഞ്ചിരിയാലെൻ മനം കവർന്നു
ഏതൊരപൂർവ നിമിഷത്തിൽ നീ
