എന്നും ഒരു പൂവു ചോദിച്ചു കൈ നീട്ടും പെൺകൊടീ
ഈ പൂവെടുത്തു കൊള്ളൂ
എൻ ജീവരക്തത്തിൻ ചെന്നിണമാണിതിൽ
എന്നിലെ സ്നേഹമിതിൻ സുഗന്ധം
എന്നും നിനക്കൊരു പൂവു തരാം
സ്നേഹ നൊമ്പരം മാത്രമെനിക്കു തരൂ
(എന്നും ഒരു പൂവു.)
ഇഷ്ടമാണെന്നു പറഞ്ഞു നീയീ പൂവ്
പൊട്ടിച്ചെടുത്തതു വാസനിക്കേ
പാവമാമീ മുൾ ചെടിയെ മറന്നുവോ പോകുന്നുവോ
നിൽക്കൂ ഒന്നു കേൾക്കൂ
പൂവു നുള്ളീടവേ നിൻ വിരൽ സ്പർശവും
ഈ വെറും മുൾ ചെടിക്കാത്മ ഹർഷം
(എന്നും ഒരു പൂവു.)
