മഞ്ഞിൻ തണുപ്പുള്ള മൗനത്തിൻ രാത്രിയിൽ
ഉണ്ണിയേശു പിറന്നു
കണ്ണീരാൽ മേഞ്ഞൊരു പുൽക്കുടിലിനുള്ളിൽ
എന്റെ നാഥൻ പിറന്നു
ആകാശമാം യുഗവീഥിയിൽ ആർദ്രതാരം
തെളിഞ്ഞു
(മഞ്ഞിൻ...)
കുന്തിരിക്കം പുകഞ്ഞു
നെഞ്ചിലെയൾത്താരയിൽ
കാഴ്ചയായ് വെയ്ക്കുവാൻ എൻ ഹൃദയത്തിൽ
കണ്ണുനീരല്ലാതെയെന്തുള്ളൂ
ഏറ്റു വാങ്ങീടണമേ എന്നെ
ഏറ്റു വാങ്ങീടണമേ
(മഞ്ഞിൻ...)
പാതിരാകൂരിരുളിൽ
പാപിയായ് പോകുന്നു ഞാൻ
നിന്റെ കാല്പാടുകൾ പിൻ തുടർന്നീടുവാൻ
എളിമപ്പെടുത്തേണമേ
നിന്നോടു ചേർക്കേണമേ ഞങ്ങളെ
നിന്നോടു ചേർക്കേണമേ
(മഞ്ഞിൻ....)
