തേന്മാവു പൂത്തപ്പോളാപ്പൂമധു നുകർ
ന്നാനന്ദമത്തനായ് തീർന്ന വണ്ടേ
എന്തേ മറന്നു നീ എന്നുമണയുമീ
സ്വർണ്ണനളിനീ ഭവനം
വന്നു വസന്തം നിരത്തുന്നു നിന്മുന്നിൽ
മുന്തിരിത്തേൻ കുടങ്ങൾ
വർഷാമയൂരം നിൻ മുന്നിൽ ചൊരിയുന്ന
മുത്തുകൾ കോർത്തെടുക്കൂ
മാറിലണിയുമാ മാലികയിൽ മാര
ദൂതികൾ പൊന്നൂഞ്ഞാലാടട്ടെ
കന്നിനിലാവു വിടർത്തുന്ന സിന്ദൂര
മഞ്ജരിയെന്ന പോലെ
നില്പൂ നിൻ പൂജയ്ക്കായെന്നും കൊതിക്കുമീ
ഹൃത്തടം കാഴ്ച വെയ്ക്കാം
മാണിക്ക്യപ്പൂവു പോലീ ഹൃദയം ഇതാ
കാണിക്ക വെയ്ക്കാം കൈക്കൊള്ളുകില്ലേ
