യാത്രയായ് നീയകലെ

 

യാത്രയായ് നീയകലെ രക്ത
സാക്ഷികൾക്കായ് സ്വർഗ്ഗവാതിൽ തുറന്നു
യാത്രയായ് യാത്രയായ് നീയകലെ

ഒരു ബലിക്കല്ലിന്റെ സാന്ദ്രമൗനങ്ങളിൽ
ഉരുകിയുറഞ്ഞതിന്നോർമ്മയുമായ്
കാത്തിരുന്നൂ ഞങ്ങൾ കാത്തിരുന്നൂ
കത്താത്ത ദീപങ്ങൾ പോലെ
അണയാത്ത വാഗ്ദത്ത ഭൂമി തേടി
അലയുന്ന നിഴലുകൾ പോലെ

ഒരു വിഷഭൂമിയിൽ വീണു മയങ്ങുവാൻ
വെറുതെ വെറുതെ വിളിച്ചുണർത്തീ
ആർത്തലച്ചു നെഞ്ചിലാർത്തലച്ചു
ദുഃഖത്തിൻ തീക്കടൽ മാത്രം
എവിടെ നിൻ സ്വാതന്ത്ര്യഗാനം ഇണ
ച്ചിറകാർന്നുയർന്നൊരാ വാനം