നിറപറ ചരിഞ്ഞു
പൂക്കുല ചരിഞ്ഞു
നിലവിളക്കിൽ കരിന്തിരി പുകഞ്ഞു
ചുമരിലെ ചിത്രങ്ങൾ
മാറാല നെയ്തിട്ട
മുഖപടമണിഞ്ഞിരുന്നു
ഏറെ മുഷിഞ്ഞ മുഖവുമായ് ജീവിതം
ഏതോ വിചാരത്തിലിരുന്നു
നിഴലുകളാടും പൂമുഖത്തളത്തിൽ
വെറുമൊരു മൗനം തരിച്ചു നിന്നു
വിറ കൊള്ളുമധരത്തിൽ
സ്നേഹത്തിൻ മുദ്രകൾ
ശ്രുതി തെറ്റിത്തുടിച്ചിരുന്നു
ഏറെത്തളർന്ന മനസ്സുമായി ജീവിതം
ഏതോ വികാരത്തിലമർന്നു
