കാത്തു കാത്തു കാത്തിരുന്ന് നീ വന്നു നിന്റെ
കാലൊച്ച കാതിൽ സംഗീതമായ്
ഇരുനീലമത്സ്യങ്ങൾ പിടയുന്നുവോ മുന്നിൽ
നറുമുന്തിരിപ്പൂക്കൾ വിരിയുന്നുവോ
ചുരുൾ മുടി ചുംബിച്ച തെന്നൽ സ്നേഹ
സുരഭിലമെന്നെയും തഴുകീ
നിറമധുപാത്രമായീ നില്പൂ നീയെൻ
സിരകൾ തൻ ദാഹം കെടുത്താൻ
മടിയിൽ തല ചായ്ച്ചു നീയെൻ നിറ
മിഴികളിലുറ്റു നോക്കുമ്പോൾ
പുഴയോരം പൂക്കളാൽ മൂടി
ഹർഷപുളകങ്ങൾ നമ്മിലും തോഴീ
