ഒരു പാട്ടുപാടുവാനല്ലയെങ്കിൽ

ഒരു പാട്ടു പാടുവാനല്ലയെങ്കിൽ
ഓടക്കുഴലെന്തിനാണു കൈയ്യിൽ
ഒരു നൃത്തമാടുവാനല്ലയെങ്കിൽ
ഓമൽ ചിലമ്പെന്തിനാണു കാലിൽ

നീയില്ല കേൾക്കുവാനെങ്കിലെന്റെ
വേണുവിൽ നാദം തളിർക്കുകില്ലാ
നീയില്ല കാണുവാനെങ്കിലെന്റെ
പാദസരങ്ങൾ ചലിക്കുകില്ലാ
( ഒരു പാട്ടു....)

നീയെന്റെ സ്വപ്നവനാന്തഭൂവിൽ
പീലി വിടർത്തിയ മോഹമല്ലേ
നീയെന്റെ സങ്കല്പ വീഥിയിലെ
നീലാഞ്ജനക്കുളുർച്ഛായയല്ലേ
(ഒരു പാട്ടു....)

നീയെന്റെ വേണുവിൻ രാഗമായീ
നീയെൻ ചിലങ്ക തൻ താളമായീ
നീയൊരു ദാഹത്തിൻ ജ്വാലയായീ
നീറുമാത്മാവിൽ പടർന്നു പോയീ
(ഒരു പാട്ടു...)