കളിത്തോഴൻ വന്നപ്പോൾ

കളിത്തോഴൻ വന്നപ്പോൾ
കൈ കോർത്തു നിന്നപ്പോൾ
കളമൊഴി നാണിച്ചു തല താഴ്ത്തി
കളിത്തോഴൻ കൊണ്ടു വന്ന
കിലുകിലെ കിലുങ്ങുന്ന
പളുങ്കുവളകൾ കൈയ്യിൽ ചിരി തൂകി
തരിവളക്കൈയിൽ നാളെ
തനിപ്പൊന്നിൻ വള ചാർത്താൻ
വരുമെന്നു പറഞ്ഞവൻ കളിയാക്കീ
അപ്പോൾ കളിയാക്കീ
(കളിത്തോഴൻ....)

കളിവാക്കിൽ ജയിച്ചത്
വളകളോ കരിയിലക്കിളികളോ
വഴിയെ പോം കുളുർകാറ്റോ
കുഞ്ഞിക്കുളിർകാറ്റോ
(കളിത്തോഴൻ....)

തല താഴ്ത്തിയവൾ താഴെ
നഖചിത്രം വരച്ചപ്പോൾ
അറിയാതാ കളിത്തോഴൻ
ഒളിച്ചല്ലോ ഓടിയൊളിച്ചല്ലോ
(കളിത്തോഴൻ,....)