പാനപാത്രം നീട്ടി നിൽക്കും

 

പാനപാത്രം നീട്ടി നിൽക്കും
പാതിരാമലരാണു ഞാൻ
വീണ തേടിത്തേടിയലയും
മൗനവേദനയാണു ഞാൻ

കടലു കാണാനോടി വന്ന
കാനനപ്പൂഞ്ചോല ഞാൻ
കടലല തൻ കരൾ മിടിപ്പുകള
കലെയെങ്ങോ കേൾപ്പൂ ഞാൻ
(പാനപാത്രം...)

ഒരു മലരിന്നിതൾ വിരിയിൽ
വീണുറങ്ങാൻ വെമ്പി ഞാൻ
വിരിമണലിൽ വീണു മായും
ഹിമകണികയാണു ഞാൻ
(പാനപാത്രം...)

നവവധുവിൻ നാണമോലും
മന്ദഹാസമല്ല ഞാൻ
വിരഹിണി തൻ വീണ മീട്ടും
വിധുരനാദമാണു ഞാൻ
(പാനപാത്രം...)