മലർത്തിങ്കൾ താലമേന്തും

 

മലർത്തിങ്കൾ താലമേന്തും
മധുമാസരാവേ
മണിച്ചിലമ്പൊലി തൂകി
അണയൂ നീ

നിറനിലവിളക്കുകൾ തെളിവേൽക്കും വിണ്ണിൽ
അരിമുല്ല മുകുളങ്ങൾ
തിരി വയ്ക്കും വിണ്ണിൽ
നറുനിലാപ്പാലൊളിയും പനിനീരുമായി
മധുമാസപ്പൊൻ കിനാവേ അണയൂ നീ

കുരുവികൾ കൂട്ടമായ്
കുളിർത്തെന്നൽ തേരിലേറി എഴുന്നള്ളൂ
അണിമലർത്തിരി നീട്ടി
തളിർത്താലി ചാർത്തി
ഒരു പൂജാനടനത്തിന്നൊരുങ്ങുവതാരേ
നറുനിലാപ്പാലൊളിയും പനിനീരുമായി
മധുമാസപ്പൊൻ കിനാവേ
അണയൂ നീ