തിരുമിഴിയിതൾ പൂട്ടി

 

തിരുമിഴിയിതൾ പൂട്ടി ഉറങ്ങുറങ്ങ്
ഒരു നല്ല കിനാവിന്റെ മലർ മഞ്ചലിൽ
തങ്കം ഉറങ്ങുറങ്ങ്

അറിയാത്തൊരാഴിയിൽ നീയലിഞ്ഞിറങ്ങി
അരിയ പൊൻ മുത്തു വാരിയണിഞ്ഞൊരുങ്ങ്
തങ്കം അണിഞ്ഞൊരുങ്ങ്

കനകനീർക്കുമിളകൾ വിരിഞ്ഞു നിൽക്കും
ഒരു മത്സ്യകന്യയെ പുണർന്നുറങ്ങ്
തങ്കം ഉറങ്ങുറങ്ങ്

കരിമിഴിമലർ വിരിഞ്ഞിനിയുണർന്നാൽ
കതിർ കാണാക്കിളിക്കുഞ്ഞേ കരഞ്ഞീടല്ലേ
തങ്കം കരഞ്ഞീടല്ലേ