താളമായ് വരൂ മേളമായ് വരൂ
കേളിയാടുമെൻ ജീവശാഖിതൻ താളം മേളം
ലോലചാമരം.. വീശി വീശി വാ
പീലി ചൂടി വാ.. കോലമാടി വാ
താളമായ് വരൂ... മേളമായ് വരൂ
താരുണർന്നുവോ തളിരുലഞ്ഞുവോ
താണുയർന്നിടും തരളമാം പദം (2)
ചതുരംഗമാടുമേതോ
ചലനങ്ങൾ പൂത്ത പോലെ
താളം തേടും കാറ്റേ ഇതിലെ (താളമായ്...)
സൂര്യകാന്തികൾ ഇതൾ വിടർന്നുവോ
മാരിവില്ലിലെ മണികളൂർന്നുവോ (2)
കതിർ കണ്ടുണർന്ന മാനം
കനകാംബരങ്ങൾ കോർത്തു
വാനം ഓളം തുള്ളും തുടിയായ് (താളമായ്...)
