വേളിക്കുന്നിൽ പള്ളിമഞ്ചലു

വേളിക്കുന്നിൽ പള്ളിമഞ്ചലു -
മൂളിവരുന്നതു കണ്ടില്ലേ (2)
മഞ്ചലിലേറി നിന്നെക്കാണാൻ
മലരമ്പൻ വരുമല്ലോ - ഒരു
മലരമ്പൻ വരുമല്ലോ 
വേളിക്കുന്നിൽ പള്ളിമഞ്ചലു -
മൂളിവരുന്നതു കണ്ടില്ലേ

മയങ്ങിടാതെ കുണുങ്ങിടാതെ
മണവാട്ടി ചമയേണം (2)
മയ്യെഴുതേണം പൂങ്കവിളിങ്കൽ
മഞ്ഞളു നന്നായണിയേണം
വേളിക്കുന്നിൽ പള്ളിമഞ്ചലു -
മൂളിവരുന്നതു കണ്ടില്ലേ

കാർമുടി കോതി പൂവുകൾ ചൂടി
കാതിൽ തോടകളണിയേണം (2)
മോതിരമാ‍ല പൊൻകൊരലാരം
മോടിയിൽ മാറിതിലണിയേണം  
വേളിക്കുന്നിൽ പള്ളിമഞ്ചലു -
മൂളിവരുന്നതു കണ്ടില്ലേ

കസവിൻ കവിണിയുടുക്കേണം - ഒരു
കനകവിളക്കു കൊളുത്തേണം (2)
താമ്പൂലത്തിന് വെറ്റില വെള്ളി -
ത്താമ്പാളത്തിലൊരുക്കേണം 

വേളിക്കുന്നിൽ പള്ളിമഞ്ചലു -
മൂളിവരുന്നതു കണ്ടില്ലേ 
മഞ്ചലിലേറി നിന്നെക്കാണാൻ
മലരമ്പൻ വരുമല്ലോ - ഒരു
മലരമ്പൻ വരുമല്ലോ