പ്രേമമധുമാസ വനത്തിലെ

വിരിഞ്ഞമലരേ നീ വിധിയുടെ കാറ്റില്‍ 
പാറി ദൂരെ പോകയോ.... 

പ്രേമ മധുമാസവനത്തിലെ - മലര്‍ 
വള്ളിക്കുടില്‍ വിട്ടു
മാനത്തു മറഞ്ഞൊരു മലരേ
തേടി വരുന്നുണ്ട് പൂമ്പാറ്റ പുറകേ

വിധിയാകും കൊടും കാറ്റില്‍ 
വിരഹത്തിന്‍ കൊടും ചൂടില്‍
പറക്കുന്നു ലൈലതന്‍ ദേഹം - പക്ഷേ
നിനക്കുള്ളതല്ലയോ ഹൃദയം

കൂട്ടിലെയിണക്കിളി കിനാവും 
കണ്ടുറങ്ങുമ്പോള്‍
ഇരുട്ടിലേയ്ക്കോടിയ കുയിലേ - നിന്നെ
ഇനിയെന്നു കാണുമെന്‍ ലൈലേ
ഇനിയെന്നു കാണുമെന്‍ ലൈലേ

പ്രേമ മധുമാസവനത്തിലെ - മലര്‍ 
വള്ളിക്കുടില്‍ വിട്ടു
മാനത്തു മറഞ്ഞൊരു മലരേ
തേടി വരുന്നുണ്ട് പൂമ്പാറ്റ പുറകേ

പിരിയട്ടേ ശരീരങ്ങള്‍ 
മൃതി വന്നു വിളിച്ചാലും
പിരിയാത്ത ഹൃദയങ്ങള്‍ ഇല്ലേ - അവയില്‍
അനുരാഗമണിദീപമില്ലേ

വിധിയാകും കൊടും കാറ്റില്‍ 
വിരഹത്തിന്‍ കൊടും ചൂടില്‍
പറക്കുന്നു ലൈലതന്‍ ദേഹം - പക്ഷേ
നിനക്കുള്ളതല്ലയോ ഹൃദയം