ഇരുണ്ടുവല്ലോ പാരും വാനും

ഇരുണ്ടുവല്ലോ പാരും വാനും
വിരുന്നുകാരാ പോകല്ലേ (2)
വിരുന്നുകാരാ പോകല്ലേ (2)

(ഇരുണ്ടുവല്ലോ....)

വിരിഞ്ഞ ഹൃദയം വിളക്കു നീട്ടിയ
വിശാല ജീവിത മണിയറയിൽ
നിനക്കുറങ്ങാൻ വിരിച്ചു ഞാനൊരു -
നീലത്താമര മലർമെത്ത

(ഇരുണ്ടുവല്ലോ....)

മയങ്ങിടുമ്പോൾ നിന്നുടെയുള്ളിൽ
മലർക്കിനാക്കൾ പൊതിയുമ്പോൾ
കനത്ത വാതില്‍പ്പൊളിയുടെ വെളിയിൽ
കാവലിരുന്നിടുമെൻ ഹൃദയം

(ഇരുണ്ടുവല്ലോ...)