പുള്ളിമാനല്ല മയിലല്ല

പുള്ളിമാനല്ല മയിലല്ല മധുരക്കരിമ്പല്ല
മാരിവില്ലൊത്ത പെണ്ണാണ് - ഇവൾ
മാരിവില്ലൊത്ത പെണ്ണാണ്

പുള്ളിമാനല്ല മയിലല്ല മധുരക്കരിമ്പല്ല
മാരിവില്ലൊത്ത പെണ്ണാണ് - ഇവൾ
മാരിവില്ലൊത്ത പെണ്ണാണ്

പൊട്ടിച്ചിരിക്കുന്ന മുത്തുക്കുടമാണ്
പത്തരമാറ്റുള്ള പൊന്നാണ് - പെണ്ണ്
പത്തരമാറ്റുള്ള പൊന്നാണ് 
(പുള്ളിമാനല്ല... )

മണവാട്ടിപ്പെണ്ണിവൾ - മറ്റെങ്ങും കാണാത്ത
മാണിക്ക്യകല്ലൊത്ത മണിയാണ് - നല്ല
മാണിക്ക്യകല്ലൊത്ത മണിയാണ് 

ഏഴാം ബഹറിലെ സുന്ദരിമാരൊത്തു
വാഴേണ്ട മന്ദാരമലരാണ് - എന്നും
വാഴേണ്ട മന്ദാരമലരാണ്  

കൈതപ്പൂക്കവിളാണ് കാറക്കഴുത്താണ്
മുന്തിരിച്ചുണ്ടാണ് സുന്ദരിക്ക് - നല്ല
മുന്തിരിച്ചുണ്ടാണ് സുന്ദരിക്ക്

സുറുമയെഴുതിയ സുന്ദരമിഴിയാണ്
മയിലാഞ്ചിക്കൈയ്യാണ് പൈങ്കിളിക്ക് - ആഹാ
മയിലാഞ്ചിക്കൈയ്യാണ് പൈങ്കിളിക്ക്

മൊഞ്ചത്തിപ്പെണ്ണേ നീ ദൂരത്തു മാരന്റെ
മഞ്ചലിൻ മൂളക്കം കേട്ടില്ലേ
നാണിച്ചു നാണിച്ചു മാറിക്കളയേണ്ട
കാണാൻ വരുമിന്നു മണവാളൻ - നിന്നെ
കാണാൻ വരുമിന്നു മണവാളൻ

പുള്ളിമാനല്ല മയിലല്ല മധുരക്കരിമ്പല്ല
മാരിവില്ലൊത്ത പെണ്ണാണ് - ഇവൾ
മാരിവില്ലൊത്ത പെണ്ണാണ്