മല്ലാക്ഷീ മണിമൗലേ

മല്ലാക്ഷീ മണിമൗലേ രാധികേ തവചിത്തം
മുല്ലപ്പൂവമ്പു കൊണ്ടാൽ മുറിയില്ലെന്നോ
ഹേമന്തരജനിയിൽ താമരത്തളിരിൽ നീ
കുറിച്ചു - ലേഖമയച്ചൂ - ഞാൻ കൊതിച്ചൂ
ദർശനം തേടീ (മല്ലാക്ഷീ..)

മറ്റുള്ള ഗോപികമാർ കൂടെ ഭവാൻ
ഇഷ്ടസല്ലാപം ചെയ്തു പാടെ
പ്രേമതാപത്താലെന്റെ മാനസ ചകോരമോ
വലഞ്ഞൂ കണ്ണു നിറഞ്ഞൂ - എന്തിനണഞ്ഞൂ
നന്ദ നന്ദനാ (മല്ലാക്ഷീ..)

അന്യ ഗോപാംഗനമാരോടായ് ഞാൻ
നിന്നെ തിരക്കി വന്നതല്ലോ
വൃന്ദാവന ചന്ദ്രനുദിച്ചൂ
പൂന്തെന്നൽ മുരളി വിളിച്ചൂ
മന്ദാകിനി താവളമടിച്ചൂ
ഇന്നെന്തിനു കലഹം തമ്മിൽ (മല്ലാക്ഷി..)