താരുകള്‍ ചിരിക്കുന്ന താഴ്വരയില്‍ - ഒരു
താന്നിമരത്തിന്‍ തണലിങ്കല്‍
പുഷ്പം തേടി നമ്മള്‍ നടന്നതു
സ്വപ്നം കണ്ടു ഞാന്‍ - ഒരു
സ്വപ്നം കണ്ടു ഞാന്‍
താരുകള്‍ ചിരിക്കുന്ന താഴ്വരയില്‍ - ഒരു
താന്നിമരത്തിന്‍ തണലിങ്കല്‍
വാനില്‍ ചിരിക്കുന്ന താരകളെ ഒരു
വാര്‍മഴവില്ലില്‍ കൊരുത്തെന്നും
നിന്നുടെ മുടിയില്‍ ചൂടിച്ചെന്നും
സ്വപ്നം കണ്ടു ഞാന്‍ - ഒരു
സ്വപ്നം കണ്ടു ഞാന്‍
താരുകള്‍ ചിരിക്കുന്ന താഴ്വരയില്‍ - ഒരു
താന്നിമരത്തിന്‍ തണലിങ്കല്‍
കളിയാക്കി തുള്ളുന്ന കടലലയില്‍ - ഒരു
കളിവഞ്ചി നമ്മള്‍ ഇറക്കിയെന്നും
കടലിന്നക്കരെ നാം പോയെന്നും
കിനാവു കണ്ടു ഞാന്‍ - ഒരു
കിനാവു കണ്ടൂ ഞാന്‍
താരുകള്‍ ചിരിക്കുന്ന താഴ്വരയില്‍ - ഒരു
താന്നിമരത്തിന്‍ തണലിങ്കല്‍
സുന്ദരഗന്ധര്‍വ നഗരിയതില്‍ ഒരു
ചന്ദനവള്ളിക്കുടിലിനുള്ളില്‍ ആ.. ആ..
സുന്ദരഗന്ധര്‍വ നഗരിയതില്‍ ഒരു
ചന്ദനവള്ളിക്കുടിലിനുള്ളില്‍
നമ്മള്‍ കിടന്നു മയങ്ങിയെന്നും
കിനാവു കണ്ടു ഞാന്‍ - ഒരു
കിനാവു കണ്ടു ഞാന്‍ - ഒരു
കിനാവു കണ്ടു ഞാന്‍
| Director | Year | |
|---|---|---|
| ശ്രീമദ് ഭഗവദ് ഗീത | പി ഭാസ്ക്കരൻ | 1977 |
| ജഗദ് ഗുരു ആദിശങ്കരൻ | പി ഭാസ്ക്കരൻ | 1977 |
| വിളക്കും വെളിച്ചവും | പി ഭാസ്ക്കരൻ | 1978 |
| എനിക്കു വിശക്കുന്നു | പി ഭാസ്ക്കരൻ | 1982 |