കനകസ്വപ്നശതങ്ങൾ വിരിയും

കനകസ്വപ്നശതങ്ങൾ വിരിയും
കദളീ സുമവന കന്യക ഞാൻ
രാഗസാഗരതീരത്തുള്ളൊരു
രാജകുമാരിയല്ലോ ഞാൻ (കനക..)

തളിരധരങ്ങൾ തുറന്നു പോയാൽ
തുരുതുരെയുതിരും നവരത്നം (2)
ശാരദരജനിയൊരുക്കിയ വെള്ളി
ത്തേരിലിറങ്ങിയ മോഹിനി ഞാൻ (കനക...)

വാർമഴവില്ലിൽ ഊഞ്ഞാലാടിയ
വാസരകന്യകൾ പോയപ്പോൾ
പാലൊളിരാവിൽ നീന്താനെത്തിയ
പറുദീസായിലെ സുന്ദരി ഞാൻ
പറുദീസായിലെ സുന്ദരി ഞാൻ(കനക..)