കൊട്ടിയടച്ചൊരെൻ കൊട്ടാരവാതിലിൽ

കൊട്ടിയടച്ചൊരെൻ കൊട്ടാരവാതിലിൽ
മുട്ടിവിളിക്കുന്ന റാണിയാരോ
മുട്ടിവിളിക്കുന്ന റാണിയാരോ
(കൊട്ടിയടച്ച..)

റാണിയല്ല ഞാൻ റാണിയല്ല ഞാൻ
യാചകി പ്രേമയാചകി
യാചകീ പ്രേമയാചകി

വാടിക്കരിഞ്ഞ മരുഭൂവിൽ പൂങ്കുല
ചൂടിച്ച വാസന്തദേവിയാരോ
വാസന്ത ദേവിയാരോ
(വാടിക്കരിഞ്ഞ.. )

ദേവിയല്ല ഞാൻ... 
ദേവിയല്ല ഞാൻ രാജവീഥിയിൽ
പൂവുകൾ വിൽക്കും പൂക്കാരി - പൂക്കാരി

ഗോപുരദ്വാരത്തിൽ സങ്കൽപ്പമാലയാൽ
ദീപം കൊളുത്തിക്കഴിഞ്ഞില്ല ഞാൻ
(ഗോപുര..)

ഏകയാമെന്റെ... 
ഏകയാമെന്റെ കയ്യിലുണ്ടല്ലോ
സ്നേഹദീപത്തിൻ കൈത്തിരി
സ്നേഹദീപത്തിൻ കൈത്തിരി..
(കൊട്ടിയടച്ച...)