നീ കണ്ടുവോ മനോഹരീ

നീ കണ്ടുവോ മനോഹരീ
കവിത കവിളിലെഴുതി നിറയെ മധുരയൗവനം
നീ കണ്ടുവോ മനോഹരീ

സുന്ദരാഭിലാഷകോടികൾ
മന്മഥന്റെ നാട്ടുകാരികൾ 
സുറുമയെഴുതി നിന്റെ കൺകളിൽ 
അമൃതലഹരി വീശി നിന്റെ-
അധരമലരുകൾ  
നീ കണ്ടുവോ മനോഹരീ
കവിത കവിളിലെഴുതി നിറയെ മധുരയൗവനം

പുഷ്പമാസമുല്ലവല്ലിയിൽ
ചിത്രശലഭമോടിയെത്തിയോ 
സ്വപ്നഗാനം മൂളി വന്നുവോ
പ്രണയയമുന ഹൃദയമരുവി-
ലൊഴുകിയെത്തിയോ 
നീ കണ്ടുവോ മനോഹരീ
കവിത കവിളിലെഴുതി നിറയെ മധുരയൗവനം