പാടീ തെന്നൽ

ചഞ്ചലമൊഴുകീ ജീവിതധാരാ
പാടീ തെന്നൽ തുഴച്ചിലക്കാരാ
അരുമക്കിളി നീ കൂടുമാറി തേടുന്നതാരേ
മൃദുലസമീര സംയോഗേ ഗമിക്കുന്ന നൗക (പാടീ...)

അലകൾ തോണി മെല്ലെത്തള്ളി
ഇളകും തോണി കാറ്റിൽ തുള്ളി
ഓഹോ - ഓടുന്ന തോണിയിൽ ചാർത്തിടുന്നു
തരംഗങ്ങൾ മാലാ (പാടീ...)

ജീവൻ മധുപൻ ധരയാകവെ
നറുംതേൻ നുകരാൻ ചലിച്ചീടവേ
ഓഹോ - കളയൂ സഖീ നീ അല്ലലാകേ
അലകൾ ഊഞ്ഞാലായ്‌ (പാടി...)

നൗക തള്ളാൻ ഹാ പ്രേമമെയില്ലേ
നേരേ രാഗാരാമമില്ലേ
ഓഹോ - മൃദുലസമീര മധുരധാരാ
ഈ രാഗമാലാ (പാടീ..)