ആയിരം പൂക്കൾ വിരിയട്ടെ

ആയിരം പൂക്കൾ വിരിയട്ടെ
ആയിരം വണ്ടുകൾ മുകരട്ടെ
ആനന്ദസംഗീത സാഗരവീചിയിൽ
ആയിരം മേനികൾ ഉലയട്ടെ
(ആയിരം...)

സ്വപ്നങ്ങൾ പുഷ്പിക്കും പ്രമദവനത്തിൽ
ഉൽപലബാണന്റെ മദിരോൽസവം
പാനപാത്രം നിറയട്ടെ
പാണിയും പാണിയും ചേരട്ടെ
ആയിരം പൂക്കൾ വിരിയട്ടെ
ആയിരം വണ്ടുകൾ മുകരട്ടെ

ഗാനവും താളവും ഗംഗയായ്‌ യമുനയായ്‌
ചേരുമീ സങ്കൽപസംഗമത്തിൽ
താമരപ്പൂവമ്പൻ തീർത്തൊരു വേദിയിൽ
താരുണ്യ രൂപങ്ങൾ ഒഴുകട്ടെ
(ആയിരം...)