പടച്ചോന്റെ കൃപ കൊണ്ട്

പടച്ചോന്റെ കൃപ കൊണ്ടു നിന്നെ കിട്ടി -പൊന്നിന്‍ കട്ടി 
നീയുറങ്ങ് കുഞ്ഞുമോനേ
മിഴിനീട്ടി മിഴിനീട്ടി നോക്കുന്നെന്തെ
നോക്കിച്ചിരിക്കുന്നെന്തേ
ബാപ്പാ വരുമേ ഇപ്പം കൊണ്ടു തരുമേയപ്പം
നീയൊന്നുറങ്ങീടല്‍പ്പം എന്റെ മോനേ

അണീമുത്തു മണിയൊത്ത മോനല്ലേ
എന്റെ ഖല്‍ബില്‍ കനിതൂകും തേനല്ലേ
കരയല്ലെ കരയല്ലെ ഉമ്മാന്റെ കുഞ്ഞി-
ക്കരളല്ലെ പുന്നാര മോനല്ലേ

താമര പോലത്തെ നിന്‍ കരത്തില്‍
ഒരു കുഞ്ഞിവളയിട്ടു കാണാനും
കുഞ്ഞരയില്‍ വെള്ളിനൂല്‍കെട്ടാനും
ഇന്നു കൊതിയുണ്ടു ഗതിയില്ല പൂമോനേ

ഒരുനല്ല കാലം നിന്റുപ്പാനും 
വരുമന്നേരം സാധിക്കാമെല്ലാമേ
കരയല്ലെ കരയല്ലെ ഉമ്മാന്റെ കുഞ്ഞി-
ക്കരളല്ലെ പുന്നാര മോനല്ലേ

പടച്ചോന്റെ കൃപ കൊണ്ടു നിന്നെ കിട്ടി -പൊന്നിന്‍ കട്ടി 
നീയുറങ്ങ് കുഞ്ഞുമോനേ
മിഴിനീട്ടി മിഴിനീട്ടി നോക്കുന്നെന്തെ
നോക്കിച്ചിരിക്കുന്നെന്തേ
ബാപ്പാ വരുമേ ഇപ്പം കൊണ്ടു തരുമേയപ്പം
നീയൊന്നുറങ്ങീടല്‍പ്പം എന്റെ മോനേ - മോനേ...