ദുഃഖങ്ങൾക്കിന്നു ഞാൻ

ദുഃഖങ്ങൾക്കിന്നു ഞാൻ അവധി കൊടുത്തു
സ്വർഗ്ഗത്തിൽ ഞാനൊരു മുറിയെടുത്തു 
വിധിയും ഞാനും ഒരു കൂടു ചീട്ടുമായ്‌
വിളയാടാനിരിക്കുന്നൂ - വിളയാടാനിരിക്കുന്നു - എന്റെ
ദുഃഖങ്ങൾക്കിന്നു ഞാൻ അവധി കൊടുത്തു
സ്വർഗ്ഗത്തിൽ ഞാനൊരു മുറിയെടുത്തു 

അപ്സരരമണികൾ സ്വപങ്ങൾ ചുറ്റും
അൽഭുതപാന പാത്രം നിറയ്ക്കുന്നു 
മുത്തണിക്കൈവള കിലുക്കിയെൻ കൽപന
കസ്തൂരി ചാമരം വീശുന്നു - എന്റെ
ദുഃഖങ്ങൾക്കിന്നു ഞാൻ അവധി കൊടുത്തു
സ്വർഗ്ഗത്തിൽ ഞാനൊരു മുറിയെടുത്തു 

മനുജജീവിത മലർക്കൊതി ഇതുവരെ
അനുഭവിക്കാനെനിക്കൊത്തില്ല 
പതിരും മലരും ശരിയും തെറ്റും 
പെറുക്കിപ്പെറുക്കി ഞാൻ വലഞ്ഞല്ലോ - എന്റെ
ദുഃഖങ്ങൾക്കിന്നു ഞാൻ അവധി കൊടുത്തു
സ്വർഗ്ഗത്തിൽ ഞാനൊരു മുറിയെടുത്തു