കുയിലിന്റെ മണിനാദം കേട്ടു

കുയിലിന്റെ മണിനാദം കേട്ടു - കാട്ടിൽ
കുതിര കുളമ്പടി കേട്ടു
കുറുമൊഴിമുല്ല പൂങ്കാട്ടിൽ
രണ്ട്‌ കുവലയപൂക്കൾ വിടർന്നു
കുയിലിന്റെ മണിനാദം കേട്ടു

മാനത്തെ മായാവനത്തിൽ - നിന്നും
മാലാഖ മണ്ണിലിറങ്ങി
ആ മിഴിത്താമര പൂവിൽ നിന്നും
ആശാ പരാഗം പറന്നു
ആ വർണ്ണ രാഗപരാഗം
എന്റെ ജീവനിൽ പുൽകി പടർന്നു
കുയിലിന്റെ മണിനാദം കേട്ടു

ആരണ്യസുന്ദരി ദേഹം - ചാർത്തും
ആതിരാ നൂൽചേല പോലെ
ഈ കാട്ടുപൂന്തേനരുവീ മിന്നും
ഇളവെയിൽ പൊന്നിൽ തിളങ്ങി
ഈ നദീതീരത്തു നീയാം
സ്വപ്നമീണമായ്‌ എന്നിൽ നിറഞ്ഞു

കുയിലിന്റെ മണിനാദം കേട്ടു - കാട്ടിൽ
കുതിര കുളമ്പടി കേട്ടു
കുറുമൊഴിമുല്ല പൂങ്കാട്ടിൽ
രണ്ട്‌ കുവലയപൂക്കൾ വിടർന്നു
കുയിലിന്റെ മണിനാദം കേട്ടു