പുഷ്പസായകാ നിൻ തിരുനടയിൽ
പൂജാരിണിയായ് വന്നൂ - ഞാൻ പ്രേമ
പൂജാരിണിയായ് വന്നൂ
കലശാഭിഷേകങ്ങൾ ചെയ്തു നിൻ മെയ്യിൽ
നളിനീദളങ്ങൾ ഞാൻ പെയ്തു
പുഷ്പസായകാ നിൻ തിരുനടയിൽ
പൂജാരിണിയായ് വന്നൂ - ഞാൻ പ്രേമ
പൂജാരിണിയായ് വന്നൂ
അംഗനമാരുടെ അംഗരാഗം കൊണ്ട്
കുങ്കുമമണിഞ്ഞ നിൻ തിരുമാറിൽ
സന്ധ്യാപൂജയ്ക്ക് നടയടച്ചിരുന്നപ്പോൾ
എന്നെത്തന്നെ ഞാൻ ചാർത്തിച്ചൂ
പുഷ്പസായകാ നിൻ തിരുനടയിൽ
പൂജാരിണിയായ് വന്നൂ - ഞാൻ പ്രേമ
പൂജാരിണിയായ് വന്നൂ
ചന്ദ്രനുദിക്കും നിൻ സ്വർണ്ണനഖങ്ങളിൽ
ചന്ദനമെതിയടിക്കാലുകളിൽ
പൊന്നമ്പലത്തിലെ വിളക്കണച്ചിരുന്നപ്പോൾ
എന്നെത്തന്നെ ഞാൻ നേദിച്ചൂ
പുഷ്പസായകാ നിൻ തിരുനടയിൽ
പൂജാരിണിയായ് വന്നൂ - ഞാൻ പ്രേമ
പൂജാരിണിയായ് വന്നൂ
