അമ്മയ്ക്കും അച്ഛനും കാരാഗൃഹം
അമ്മാവനോ സിംഹാസനം
അന്തപ്പുരത്തിൽ വളരേണ്ട കണ്ണന്
അമ്പാടി ഗോകുല ഗ്രാമം (അമ്മയ്ക്കും..)
പൊന്നും കിരീടമിരിക്കേണ്ട തലയിൽ
വർണ്ണ മയിലിന്റെ പീലി
രത്നാഭരണങ്ങളണിയേണ്ട മാറിൽ
കൃഷ്ണതുളസി പൂമാലാ
അമ്പാടിയമ്മക്കും കണ്ണീര്
ഈ അമ്മൂമ്മയ്ക്കും കണ്ണീര്
രാരിരാരോ രാരാരോ
രാരിരാരോ രാരാരോ
സ്വർണത്തളിക ഇരിക്കേണ്ട കയ്യിൽ
കണ്ണൻചിരട്ട കിണ്ണം
പള്ളിചെങ്കോൽ പിടിക്കേണ്ട കയ്യിൽ
ഇല്ലിമുളയുടെ പൂങ്കൊമ്പ്
അമ്പാടിയമ്മയ്ക്കും കണ്ണീര്
ഈ അമ്മൂമ്മക്കും കണ്ണീര്
രാരിരാരോ രാരാരോ
രാരിരാരോ രാരാരോ
