ഏണിപ്പടികൾ തകർന്നു

ഏണിപ്പടികൾ തകർന്നു വീണാൽ
ഏറുവതെങ്ങനെ ഞാൻ
ഈ ജീവിതമാം നൊമ്പരഗോപുരം
ഏറുവതെങ്ങനെ ഞാൻ
ഓമനേ ഓമനേ
ഏണിപ്പടികൾ തകർന്നു വീണാൽ
ഏറുവതെങ്ങനെ ഞാൻ ഓമനേ

കടത്തുവഞ്ചി നീ താണുകഴിഞ്ഞാൽ
കടക്കുമെങ്ങനീ കണ്ണീർ നദി
തണ്ണീർപ്പന്തലും വെയിലിലെരിഞ്ഞാൽ
താങ്ങുവതെങ്ങനീ ഗ്രീഷ്മഭൂമി
ഏണിപ്പടികൾ തകർന്നു വീണാൽ
ഏറുവതെങ്ങനെ ഞാൻ ഓമനേ

പ്രതിജ്ഞ ചെയ്തു നാമൊന്നായ് കഴിയാൻ
മരിച്ചു ചെല്ലുന്ന ലോകത്തിലും
കുത്തുവിളക്കിനെയിരുളിലാക്കി
പൊൻതിരി നാളം പൊലിഞ്ഞിടാമോ